ក្រុម Man City គឺជាក្រុមអង់គ្លេសដំបូងគេឈ្នះពាន Club World Cup

 

ក្រុម Manchester City បានឈ្នះពានរង្វាន់ FIFA Club World Cup ជាលើកដំបូងរបស់ពួកគេកាលពីថ្ងៃសុក្រ ទី 22 ខែធ្នូ ឆ្នាំ 2023 ជាមួយនឹងជ័យជម្នះ 4-0 លើក្រុម Fluminense ដោយការជ័យ​ជម្នះ​នេះ​គឺ​ជា​ពាន Club World Cup ជា​លើក​ទី​បួន​សម្រាប់​អ្នក​ចាត់​ការ Pep Guardiola។

Julian Alvarez បានស៊ុតបញ្ចូលទីលឿនបំផុតមិនធ្លាប់មាននៅក្នុងការប្រកួតវគ្គផ្តាច់ព្រ័ត្រ Club World Cup តិចជាង 45 វិនាទីក្នុងការប្រកួត ហើយ Alvarez ដែលមានអាយុ 23 ឆ្នាំក៏មានពានរង្វាន់ World Cup និង Copa America ជាមួយអាហ្សង់ទីន និងពានរង្វាន់ Copa Libertadores ជាមួយ River Plate ។

កីឡាករ Phil Foden ដែលស៊ុតបញ្ចូលទីក្នុងការប្រកួតបាននិយាយថា ពាន Club World Cup គឺ “ធំ” សម្រាប់ Manchester City បន្ទាប់ពីដណ្តើមបានបីដងនៃពានរង្វាន់ Champions League, Premier League និង FA Cup ដែលមិនធ្លាប់មានពីមុនមក Man City ក៏បានលើកពាន UEFA Super Cup ជាលើកដំបូងនៅក្នុងខែសីហាផងដែរ។អានពត៌មានប្រចាំថ្ងៃ